Տվյալների անվտանգություն: Ձեր տվյալների հասանելիությունը կառավարում եք դուք

Ձեր տվյալները պահվում են ԱՄՆ-ում՝ MongoDB Atlas-ում, անընդհատ պահուստավորմամբ։ Դրանք կարող ենք վերականգնել ցանկացած պահի դրությամբ։ Ֆայլերը պահվում են AWS-ում, նույնպես ԱՄՆ-ում։ Գործող պլանի ընթացքում տվյալները կարող եք արտահանել Excel։ Պլանի ավարտից հետո տվյալները ստանալու համար գրե՛ք support@emly.co հասցեին։ Նույն հասցեով գրե՛ք նաև անվտանգության հարցերով և տվյալների ջնջման խնդրանքներով։

Հեռախոսահամարները տեսնում են նրանք, ում թույլ եք տվել։ Թույլտվությունները սահմանվում են ըստ դերի և մասնաճյուղի։ Կարող եք թաքցնել համարները և սահմանափակել մասնագետի հասանելիությունը միայն իր հաճախորդներով։ Արտահանման իրավունքը տրվում է առանձին։ Առանց ամբողջ պատմությունը դիտելու իրավունքի՝ հաշվետվություններում, ցուցակներում և արտահանումներում երևում են միայն վերջին 30 օրվա տվյալները։ Չփակված գրառումները, օրինակ՝ չվճարված վաճառքները, մնում են տեսանելի։

Հեռացող աշխատակցին հեռացրեք թիմից․ նա դուրս կգա emly‑ից իր բոլոր սարքերում։ Կորած հեռախոսի դեպքում հեռակա դուրս եկեք հաշվից տվյալ սարքում։ Գաղտնաբառը փոխելիս մյուս սարքերում մուտքը նույնպես դադարեցվում է։

Այո։ Աշխատակիցը կարող է միացնել passkey (Face ID, Touch ID, Windows Hello), նույնականացման հավելված և վերականգնման կոդեր։ Երբ երկքայլ նույնականացումը միացված է, գաղտնաբառով կամ Google-ով մուտքը պահանջում է նաև երկրորդ քայլ։ Եթե աշխատակիցն այլևս չի կարող օգտվել այդ եղանակներից, մուտքը վերականգնելու համար պետք է դիմի այլ լիազորված անձի։ Էլ. փոստով այն վերականգնել հնարավոր չէ։

Ոչ։ Հաճախորդը քարտի տվյալները մուտքագրում է Ամերիաբանկի վճարման էջում։ Քարտով վճարումները հասանելի են միայն Հայաստանում։