Ի՞նչ է բյութի բոքսը և ինչով է այն առավել, քան սովորական նվերը🎁

Եվրոպայում և արևմուտքում այս պրակտիկան արդեն վաղուց կիրառվում է, և ,նույնիսկ շատ բրենդների կարող եք բաժանորդագրվել և ամեն ամիս ստանալ այդ բրենդից բյութի բոքս, որը ներառում է խնամքի և դեկորատիվ կոսմետիկայի 6-7 տարր։ Բյութի բոքսերի վաճառքը տարեկան ավելանում է 5%-ով։ Այս տաբերակը հնարավորություն է տալիս ընտրել անհատականությանը համապատասխան նվերներ։ Այն նաև մարքեթինգային առավելություն է տալիս բրեդներնին և տարբեր բլոգերների, ինֆլյուենսերների միջոցով թույլ է տալիս իրենց պրոդուկտը տարածել սոց․ կայքերում, ինստագրամում և դրանով իրազեկել շատերին իրենց նորություններին։

Բյութի բոքսի առավելությունը կայանում է արժեքի մեջ և դրանով էլ հենց գրավիչ է շատերի համար։ Հատկապես նախատոնական շրջանում դժվար չէ գտնել բրենդներ, որոնք առաջարկում են 2 պորդուկտ գրեթե 1-ի գնով։ Հաճախ նմանատիպ առաջարկներով են հանդես գալիս նաև գեղեցկության սրահներում ներկայացված պրոդուկտները։ Այսինքն, սա երկկողմանի շահավետ առաջարկ է և իհարկե, հնարավորություն՝ գեղեցիկ և օրիգինալ նվերներով տպավորելու ձեր մտերիմներին։

Ինչո՞ւ նվիրել բյութի բոքս 🎀

Գնել նվեր, որ հնարավոր է դուր չգա այն մարդուն, ում պատրաստվում եք նվիրել, համաձայնեք, որ հաճելի չէ յուրաքանչյուր նվիրող մարդու։ Մենք առանձնացրել ենք 5 կետեր, որոնցով կարելի է առաջնորդվել բյութի բոքս կազմելիս։

Անհատականություն💄

Բյութի բոքս հավաքելով դուք մարդուն նվիրում եք հենց իր նախընտրություններին համապատասխան նվերներ։ Սա համարվում է ուշադրության և հոգատարության ժեստ, քանի որ յուրաքանչյուր տարր և դետալ մտածված է հենց իր համար՝ սկսած տուփի դիզայնից, բացիկից և իհարկե, պարունակությունից։

Օրիգինալ մատուցում🍭

Նվիրել տուփ, տարատեսակ նվերներինով, շատ սիմվոլիկ ու գեղեցիկ է դարձնում նվերի գաղափարը, քան առանձին այն ներկայացնելը։ Դուք կարող եք տուփի մեջ ներառել նաև հետաքրքիր գրություններով շոկոլադե սալիկներ, բացիկներ և այն ամենը, ինչ վստահ եք, որ կուրախացնի ձեր սիրելիներին։

Նվիրել այն, ինչ ցանկանում եք🥳

Դու կարող եք պատվիրելի արդեն իսկ վաճառքի համար նախատեսված բյութի բոքսեր, որոնք շուկայում առկա են մեծ քանակությամբ։ Ինչպես նաև պատրաստել ինքներդ, քանի որ առաջին դեպքում մեծ է հավանականությունը, որ տուփում հնարավոր է լինի այնպիսի պրոդուկտ, որ մեծ հավանականությամբ չի օգտագործվի։ Երկրորդ տարբերակն ամենաունիվերսալն է և դուք կարող եք տուփն համալրել միայն մաքսիմալ անհրաժեշտ պարագաներով։

Տարատեսակ միքսեր🪅

Սա իդեալական հնարավորություն է, բոքսի մեջ ներառել ձեր ընկերուհու բոլոր նախընտրությունները՝ նոթատետր և օրինակ, դեմքի դիմակ, սթիքերներ և այլն։

Բյութի բոքս նվիրելը նորաձև է💃

Եվ իսկապես, այն եկել է փոխարինելու նախկին ձանձրալի տարբերակներին և իսկական անակնկալ է յուրաքանչյուր ստացողի համար։

Ի՞նչ ներառել ընկերուհուդ համար պատրաստվող բյութի բոքսում։

Մենք առանձնացրել ենք ունիկալ «աղջկական» տարբերակներ, որոնք կարող եք նվիրել ձեր ընկերուհուն Մարտին 8-ին, ծննդյան տոնին կամ պարզապես նրա համար, որ իրեն շատ սիրում եք։

Սպա բոքս

Այստեղ կարող եք ներառել այն ամենը, ինչ անհրաժեշտ է տնային պայմաններում սպա պրոցեդուրաներ կազմակերպելու համար․

🔵Մարմնի կամ դեմքի սկրաբ
🔵մերսման համար նախատեսված խոզանակ
🔵արոմատիկ գնդիկներ
🔵բնական օճառներ
🔵մոմեր
🔵դեմքի համար նախատեսված կտորե դիմակների տարբերակներ
🔵մարմնի սնուցող կրեմ
🔵փափուկ, նուրբ սրբիչներ
🔵եթերային յուղեր՝ սանդալվուդ, իլանգ-իլանգ և այլն։

Գարնանային բյութի բոքս

Եթե ձեր ընկերուհին էսթետ է և տարատեսակ դեկորների և գեղեցիկ աքսեսուարների սիրահար, ապա այս բոքսի մեջ կարող եք ներառել միևնույն գույնն ունեցող տարբեր պարագաներ․

🌸սուրճի բաժակ՝ հետաքրքիր և զվարճալի գրությամբ
🌸փոքրիկ փափուկ խաղալիք
🌸մատանիների համար նախատեսված պահուստատուփ
🌸նոթատետր կամ օրվա անելիքները գրելու համար նախատեսված փոքրիկ To Do List՝ արվեստի թեմատիկայով կամ զվարճալի կենդանիներով։
🌸պայուսակի հայելի

Հարմարավետ բյութի բոքս

Եթե Ձեր ընկերուհին սիրում է հանգստյան օրերն անցկացնել տանը՝ սերիալներ դիտելով, ապա այս բոքսի մեջ կարող եք ներառել․

✨օրիգինալ հողաթափեր
✨ծածկոց
✨արոմատիկ մոմեր՝ հաճելի միջավայր ստեղծելու համար
✨փայտիկներով արոմադիֆուզորներ
✨սիրած հեղինակի գրքերից
✨թեյի բաժակ
✨կարելի է կրկին ներառել դեմքի կտորե դիմակներ
✨քնի համար նախատեսված դիմակ

Ի՞նչ նվիրել կանանց կամ մայրիկներին

Այս պարագայում ևս պետք է հաշվի առնել նախընտրությունները։ Շատ կանայք, ովքեր զբաղվում են տնային տնտեսությամբ, թվում է թե կարիք ունեն գեղեցիկ սպասքի կամ դեկորատիվ որևէ տարրի, որ կզարդարի բնակարանը և լավ տրամադրություն կհաղորդի տանտիրուհուն։ Բայց հնարավոր է նաև, որ բյութի բոքսը, որն իր մեջ կներառի խնամքի տարբեր տարրեր, ավելի սպասված լինի մայրիկների համար և մոտիվացնի նրանց ժամանակ գտնել և զբաղվել ինքնախնամքով։

Եկեք առանձնացնենք նաև մեր շատ սիրելի մայրիկների համար նվերների տարբերակներ․

Մազերի խնամքի բյութի բոքս

🧚‍♀️մազաթափության դեմ շամպուն և փափկեցնող կոնդիցիոներ
🧚‍♀️գեղեցիկ սանր և պայուսակի փոքրիկ հայելի
🧚‍♀️մազերին փայլ հաղորդող սփրեյ
🧚‍♀️մազերի ներկման նվեր-քարտ՝ ջերմ ու անկեղծ գրություններով (գեղեցկության սրահը 🧚‍♀️կարող եք ընտրել մեր կայքից)
🧚‍♀️գեղեցիկ մազակալների հավաքածու

Դեմքի սպա բոքս

🤍դեմքի ինքնամերսման գուա- շի կամ տարատեսակ ռոլերներ
🤍միցելյար ջուր
🤍կնճիռների հարթեցման համար նախատեսված դիմակներ և աչքերի շրջանի պատչեր
🤍դեմքի մերսման նվեր-քարտ
🤍Ձեր և մայրիկի համատեղլուսանկարներից մի քանիսը
🤍Գրություններով շոկոլադ

Ձեռքերի և ոտքերի խնամքի բոքս

Սա, թերևս ամենապահանջվածն է մայրիկների շրջանում, քանի որ ճաշ պատրաստելու, խոհանոցային և, առհասարակ, տնային գործեր անելուց ամենաշատը վնասվում են ձեռքերը։ Ի՞նչ ներառել այս բոքսում։

🌺Ձեռքերի և ոտնաթաթի խնամքի կրեմներ
🌺հատուկ գուլպաներ
🌺մատնահարդարման տուփ՝ առաջին անհրաժեշտության գործիքներով։
🌺Ձեռքերի սկրաբ
🌺հարմարավետ հողաթափեր
🌺մարմին խոնավեցնող յուղեր կամ հակացեյլուլիտային միջոցներ

Մենք կարող ենք կազմել նաև կենցաղային օգտակար պարագաներով բյոքսերի տարբերակներ, բայց մեր գլխավոր թիրախը գեղեցկությունն է և ինքնախնամքը։ Իսկ եթե ցանկանում եք, որ Ձեր մայրիկը շատ ժամանակ ունենա ձեր նվիրած բոքսերը կիրառելու համար, նվիրեք իրեն ռոբոտ- փոշեկուլ։

Ի՞նչը կուրախացնի դեռահասներին։

Փորձենք առանձնացնել նաև դեսահասների համար նվերների գաղափարներ։ Այստեղ տարբերակները շատ ենք, քանի որ այժմ շատ են տարատեսակ գադժետներ, աքսեսուարներ, որոնք անկասկած կուրախացնեն դեռահասներին։

Աքսեսուարների տուփ

🎧անլար ականջակալներ
🎧power bank
🎧անլար դինամիկներ՝ սիրած երաժշտությունը ամենուր լսելու համար
🎧հեռախոսին ամրացվող լույս՝ սելֆիի համար
🎧վառ նկարներով նոթատետր կամ օրագիր
🎧Ֆլամինգոյով նեոնային լույս, որը պաշտում են ունենալ իրենց սենյակում բոլոր 🎧դեռահասները և ոչ միայն
🎧զվարճալի պրինտով գուլպաներ
🎧դրամապանակ

Գրենական պարագաների տուփ

🤩կարելի է ընտրել սիրած ֆիլմ /մուլտ հերոսով օրագիր, նոթատետր
🤩լանչբոքս՝ կրկին հատուկ թեմայով
🤩գրչատուփ կամ գունավոր գրիչներ
🤩շուրթերի փայլ/ բալզամ
🤩կախազարդ
🤩գունավոր մազակալներ և բրոշներ։

Չմոռանանք առանձնակի խնամքով վերաբերել նաև տուփի ընտրությանը։ Անպայման նախապատվությունը տվեք էկո տարբերակներին։ Ընտրեք մինիմալ, նուրբ երանգավորմամբ տոփեր, որտեղ հնարավոր կլինի տեղավորել Ձեր պատրաստած գեղեցիկ նվերները։ Կցեք բացիկներ,սթիքերներ և տեղավորեք Ձեր ամբողջ սերն ու հոգատարությունը ու համոզված եղեք, կտպավորեք Ձեր սիրելիներին։