5 Դիմակ անթերի մաշկի համար

Մենք շարունակում ենք գտնել և ձեր ուշադրությանը ներկայացնել խնամքի այնպիսի տարբերակներ, որոնք անվնաս են, օգտակար և բյուջետային:

Այս անգամ որոշել ենք անդրադառնալ դեմքի մաշկի խնամքին և առաջարկել փորձել այս դիմակները, որոնք կարող են անփոխարինելի միջոց դառնալ ձեզ համար և ապահովել ամբողջ օրվա ինքնավստահությունն ու գեղեցկության զգացումը:

Առավոտյան դիմակ

Դիմակն ունի հարթեցնող, մաքրող և մաշկի վերարտադրմանը նպաստող ազդեցություն:
Կանաչ սուրճի փոշին և կանեփի յուղը համադրելով վարդաջրի հետ՝ կստանաք թարմեցնող զգացողություն ու հիանալի արդյունք:

Դիմակն արդյունավետ է հատկապես յուղոտ մաշկի համար, բայց հակացուցված չէ օգտագործել նաև տարբեր տիպի մաշկ ունեցող մարդկանց: Խառնուրդը կարելի է օգտագործել շաբաթը մեկ անգամ:

Բաղադրիչներ

• Կանաչ սուրճի փոշի - 2 թեյի գդալ
• Կանեփի յուղ- 2 թեյի գդալ
• Վարդաջուր- 2 թեյի գդալ

Պատրաստման եղանակ:

Փոքր կերամիկական ափսեի մեջ բաղադրիչները խառնել կերամիկական գդալով այնքան, մինչև ստացվի համասեռ զանգված։

• Հաստ շերտով քսել դեմքին և պարանոցի հատվածին և թողնել 15-20 րոպե
• Թացացնել ձեռքերը տաք ջրով և մերսել շրջանաձև շարժումներով
• Լվացվել գոլ ջրով և չորացնել մաշկը մաքուր սրբիչով, որից հետո օգտագործել տոներ կամ որևէ խոնավեցնող միջոց:

Այս բաղադրությունը 100% օրգանական է և չի վնասում մաշկը կամ առաջացնում ալերգիկ ռեակցիաներ:

Ավոկադոյով դիմակ

Մեր <<պեղումների>> արդյուքում գտնվեց ևս մեկ բաղադրատոմս, որը կիրառելի է ինչպես դեմքի, այնպես էլ մազերի ու գլխամաշկի համար:
Առաջարկում ենք ավոկադոյով դիմակ, որն ունի սնուցող և խոնավեցնող ազդեցություն, ևս նախատեսված է բոլոր տիպի մաշկի համար և ցանկալի է օգտագործել շաբաթը մեկ անգամ:

Բաղադրիչներ

• ½ Ավոկադո
• Ավոկադոյի յուղ- 3 թեյի դգալ
• Կիտրոնի եթերային յուղ- 2-5 կաթիլ

Պատրաստման եղանակը

• Փոքր կերամիկական ափսեի մեջ ճզմել ավոկադոն, ավելացնել ավոկադոյի յուղն ու կիտրոնի եթերայուղը:
• Ստացված մածուկը քսել դեմքի մաշկին (նախապես մաքուր), մազերի դեպքում քսել թաց վարսերին և մերսել մի քանի րոպե, որից հետո թողնել 20-30 րոպե
• Դեմքը լվալ գոլ ջրով, իսկ մազերի դեպքում կիրառել շամպուն

*Կիտրոնի եթերայուղն ունի բարձր լուսազգայունություն, ուստի խորհուրդ է տրվում դիմակն օգտագործելուց հետո խուսափել արևի ճառագայթներից 12 ժամով:

Փայլ հաղորդող և սպիտակեցնող դիմակ

Այդ դիմակը սպիտակեցնում և փափկեցնում է դեմքի մաշկը ի շնորհիվ վարդաջրում պարունակող C վիտամինի, սպիտակ կավի, կամելիայի յուղի և վարդագույն կավի համադրության: Դիմակը էֆֆեկտիվ է հատկապես չոր և պրոբլեմատիկ մաշկի համար: Անհրաժեշտ է օգտագործել շաբաթը 1 անգամ :

Բաղադրիչներ

• Վարդագույն կավ - 1 թեյի գդալ
• Վարդաջուր- 2 թեյի գդալ
• Սպիտակ կավ- 1 թեյի գդալ
• Կամելիայի յուղ- 2 կաթիլ

Պատրաստման եղանակը

• Փոքր կերամիկական ափսեի մեջ բաղադրիչները խառնել կերամիկական գդալով այնքան, մինչև ստացվի համասեռ զանգված
• Հաստ շերտով քսել դեմքին և պարանոցի հատվածին և թողնել 15/20 րոպե
• Թացացնել ձեռքերը տաք ջրով և մերսել շրջանաձև շարժումներով
• Լվացվել գոլ ջրով և չորացնել մաշկը մաքուր սրբիչով, որից հետո օգտագործել տոներ կամ որևէ խոնավեցնող միջոց:

Թարմ գազարի հյութով տոնավորող դիմակ

Գազարի հյութից, ժոժոբայի յուղից և կիտրոնի եթերայուղից պատրաստված այս թարմ դիմակը ունի սնուցող, հանգստացնող, հարթեցնող ազդեցություն, վերականգնում է վնասված մաշկն ու լուծում յուղոտ մաշկի հետ կապված շատ խնդիրներ:

Դիմակը հարուստ է սնուցող ճարպաթթուներով: Ժոժոբայի յուղը հանդիսանում է հակաբորբոքային, ոչ կոմեդոգենիկ հիանալի միջոց: Նպաստում է յուղոտ մաշկի բարելավմանը և փակում ծակոտիները:

Գազարի խոնավեցնող և հակաբորբոքային ազդեցության մասին հաճախ կարելի է լսել մասնագետներից: Այն հանդիսանում է ուժեղ հակաօքսիդանտ վնասված մաշի համար ու կիտրոնի եթերայուղի ազդեցությամբ մաշկը ստանում է տոնավորված, առողջ տեսք:

Բաղադրիչներ

• 1 գազար
• 1 թեյի գդալ ժոժոբայի յուղ
• 3 կաթիլ կիտրոնի եթերայուղ

Պատրաստման եղանակը

• Գազարից ստանալ հյութ, եթե չունեք հյութաքամիչ, կարող եք ստանալ բլենդերով՝ քամելով լուծույթից ստացված հյութը
• Կերամիկակակն տարրայի մեջ լցնել գազարի հյութը, ավելացնել ժոժոբայի յուղը և 3 կաթիլ կիտրոնի եթերայուղ: Վերջինս կարելի է փոխարինել նաև թարմ քամած կիտրոնի հյութով
• Լուծույթը լցնել ցողող շշի մեջ և պահել սառնարանում:
• Դիմակը կարելի է օգտագործել առավոտյան և երեկոյան: Լուծույթը սառնարանում պահել 3 օրից ոչ ավել:

Բանանով դիմակ

Բանանը այն միջոցն էր, որը կարող է դառնալ մաշկի խնամքի ամենօրյա անփոխարինելի տարր: Այն հարուստ է կալիումով, B, C խմբի վիտամիններով և օգտակար է չոր և վնասված մաշկի համար:

Բանանը կարելի է համադրել շատ միջոցների հետ: Ուշագրավ է, որ այն իդեալական է հատկապես բաոբաբի յուղի և փոշու հետ: Լուծույթը վերացնում է կարմիր բծերը, մաշկի անհարթությունները, հարթեցնում է կնճիռները: Այս դիմակը կարելի է օգտագործել նաև ձեռքերին և քսել մազերի ծայրերին:

Բաղադրիչներ

• ½ հասած բանան
• Բաոբաբի յուղ 1-2 գդալ (հարցնել դեղատներում)
• Բաոբաբի փոշի - 1 գդալ (հարցնել օրգանական միջոցներ վաճառող խանութներում, կայքերում)

Պատրաստման եղանակը

• Կերամիկակական տարրայի մեջ հարել բանանը, ավելացնել բաոբաբի յուղն ու փոշին, խառնել՝ մինչև համասեռ զանգված ստանալը
• Հաստ շերտով քսել դեմքին և թողնել 15 րոպե
• Լվալ գոլ ջրով և չորացնել մաշկը մաքուր սրբիչով

Այս դիմակը կարող եք կիրառել նաև մաշկի այն հատվածներին, որտեղ կա ակնե:

Եվ վերջում, խնամքի միջոցներ ընտրելիս մի մոռացեք նախապատվությունը տալ օրգանական միջոցներին, որոնք անվնաս են ինչպես մաշկի, այնպես էլ՝ շրջակա միջավարի համար: